නුඹ සඳකි තරුවක් තරම්වත් ලං කරගන්නට වරම් නැති....

ආදරය ගැන සිතුවාම අපිට විවිධ ලෙසින් පැහැ ගැන්වුණු ආදර කතා දකින්න තියෙනවා.

අහිමි බව දැනෙන්න දැනෙන්න ආදරේ හිතට දැනෙනවත් වැඩිලු. ඔහොම කියනවා ප්‍රේමය අහිමි ආදරවන්තයෝ.
ආදරයක් ඇති වෙන්න වගේම ආදරය කරන්නත් වයස් සීමා නැහැ මම හිතන විදියට නම්.
ඒ වගේ ආදරයක් ගැන ලියවුනු කවි පන්ති කිහිපයක් මේ තියෙන්නේ.


සසරේ හමු වෙන්න ඇති
මෙලෙස අප හැමදාමත්
දැනෙයි ඔබෙන් ආදරේ
සමාජ සම්මත පසෙකලා
හිඳින්න සැමදා මා ළඟින්...


සොයුරෙක් ලෙස සිතා
මා හද තලනු එපා
ඔබ මා සමග නම්
වයස් බේදය වේද බාධා
එක්ව ගයමු ප්‍රේම ගී සදා...

කවදාවත් ලං නොවෙන සේ

ඇයි ඔබ පිපුනේ වෙන අත්තක මලක් වී

සම්මතයන් බිඳින්නට හැකි මුත්                          

සිත ඉඩ නොදෙයි දුකක්ම නිසාවෙන්

මතු සසරේ හෝ ඔබේම වන්නට පතන්නෙමි

එකම ඇත්තේ ලංව පිපුණු මල් දෙකක් ලෙස

සම්මතයන්ට පිටු නොපාමින්...

තරුවක් පමණි ඔබ මා ලොවට

උත්සාහ නොදරන්න හිරු වන්නට මාගේ

බලා සිටිනු නොහැක ඔබේ විනාසය 

මතු භවයේ තරු කැට දෙකක් වෙමුයි පතා

තවකෙකුට දිනකරක් වන්න මේ භවයේ....

බටහිර අහසේ බැස යන හිරු නොවෙන්න ඔබ

අඳුර දුරලන්නට තරුවක් වීම ඇතිය මට

ඔබේ ලොවේ හිරු වෙන්නට ඕනෑ නැත මට

සඳක් වී බලාහිඳීන්නෙමි නෙතු පුරාම.......

නොසිතෙයි මට මා ඔබේ නොවේයැයි

නොසිතෙයි මට ඔබ මාගේ නොවේයැයි

සිතෙයි මට යලිදු අප හමුවෙනවා යැයි

සසර පුරා අප අපේම වී වෙන් නොවේයැයි...

සමහරවිට
ඔබ මගේ නොවෙනවා ඇති
ඒත්
මා ඔබව මගේම කරගෙන ඇති

නමුත් 
ඔබ මා ඔබේම කරගෙන ඇති
එනමුත් 
මා ඔබව මගේම කරන්නැතිව ඇති...